MSEB hardwork in rain | राहाता तालुक्यात जोरदार पावसाचा कहर – भर पावसात देखील वीज महामंडळाच्या अधिकारी आणि कर्मचाऱ्यांनी दाखवली तत्परता (inspirational) |lokmarathi 2025

(MSEB hardwork in rain) काल सायंकाळपासून राहाता तालुक्यात मुसळधार पाऊस सुरू असल्याने, सर्व ओढे-नाले तुडुंब भरून वाहत आहेत. एकरूखे परिसरात तर ओढ्यांचे पाणी क्षमतेपेक्षा जास्त वाढले आहे, ज्यामुळे सर्वत्र पाण्याचा पूर आहे. अशा भयानक परिस्थितीतही एकरूखे पिंपळवाडी रोडजवळील महावितरण सबस्टेशनचे अधिकारी आणि कर्मचारी रात्रभर तैनात राहिले. ते विज वितरणाच्या कामात तारा-पोल तुटून अपघात होऊ नये म्हणून सतर्क होते आणि परिसरातील नागरिकांच्या तक्रारी-माहितीसाठी फोनवर उपलब्ध राहिले. पावसातही खंडित झालेला वीजपुरवठा पटकन दुरुस्त करून सुरळीत केल्याने स्थानिकांना खूप दिलासा मिळाला.

वीजपुरवठ्याची गरज का महत्त्वाची?

मुसळधार पावसामुळे सगळीकडे पाणी साचले आहे, त्यामुळे लोकांना पिण्याचे पाणी किंवा वापरासाठी पाणी मिळवण्यासाठी वीजपुरवठा सुरळीत राहणे अत्यंत आवश्यक आहे. वीज नसल्यास रात्री अंधारात सरपटणारे प्राणी घरात घुसून अपघात होण्याची शक्यता वाढते. मोबाईल चार्जिंग नसल्यास आपत्तीची माहिती मिळत नाही, ज्यामुळे मोठी जीवितहानी होऊ शकते. मदत आणि पुनर्वसनाच्या कामातही अडचणी येतात, आणि अचानक संपर्क तुटल्याने जनजीवन पूर्णपणे विस्कळीत होते. अशा वेळी वीजपुरवठा चालू राहिल्याने शेतकरी आणि नागरिकांना खूप फायदा झाला.

कर्मचाऱ्यांचे कौतुक (MSEB hardwork in rain)

या संकटकाळात इंजिनिअर सौ. मुसकवाड मैडम, वायरमन लोंढे, बोराळे, गोर्डे, काळवाघे, गाढवे, राहिंज आणि ऑपरेटर देठे यांच्या मेहनतीबद्दल शेतकरी व नागरिकांनी आभार मानले. त्यांच्या तत्परतेमुळे परिसरातील लोकांना सुरक्षित आणि सोयीस्कर जीवन जगता आले.